في فيلم بداية ونهاية للرائع صلاح أبو سيف بيكون في
المشهد دة مشادة كلامية ما بين نفيسة البنت الفقيرة وابن البقال اللي هي بتحبه واللي عشمها بالجواز، بعد مقابلات عديدة مابينهم ووعود كتير منه فجأة بتكتشف إنه خلاص هيتجوز واحدة تانية فبتواجهه والنتيجة بتكون إنه بيتصنع حجة وبيقولها إنه مغصوب على الجواز وملوش ذنب وبيلقي باللوم عليها لتسليم نفسها ليه.. وقتها نفيسة بتحس بالرخص والإهانة وفقدان الشرف وف لفتة عبقرية من صلاح ابو سيف في نفس اللحظة بيعدي بياع يقول "جزم قديمة للبيع" وبيكررها تاني في نفس وقت شعورها بالخزي والإنكسار كدلالة إنها بقت شئ قديم، مستعمل ومهلهل وملوش أي قيمة مع نظرة حسرة تعلو وجة نفيسة وحركة جسد بتوحي برغبتها في إخفاء عارها بعد إدراك الحال اللي وصلتله وهو مساوتها بجزمة قديمة تُملك لكل من يملُك المال...
تعليقات
إرسال تعليق